غادين أول
مرة من المحكمة للحبس ، لواحد كيولي كاي شوف فالزنقة بشكل أخر ،النقطة الفاصلة هي
فاش كات تسد عليك الباب الكحلة . من ديك الساعة مكتبقاش كتحس بالمكان أولا بالوقت
،الرؤية والسمع مشوشين وكتبدا تسمع بحال الموسيقى تصويرية ديل شي فيلم دالرعب ،
مالين الوقت تما وصلوهم التعليمات بداو كيتعاملوا معيا فشكل بحال،ولاو باغين يدورو
عليا السمطة ، من بعد داوني باش يحسنو ليا .. دايز من وسط الكروا الكبيرة ، ،المساجين
كلهم خاشيين ريوسهم فالكرية، تابعينا بعينيهم ،شحالهادي مشافو شي واحد مشعكك.
،كتسمع فالراديو فين وصلتو مع هداك ديال الحركة المعلومة .. ها حنا غادي بيه .
من بعد غادي يدخلوني لواحد البيت ،دارو ليا المينوط مع واحد الكرسي وخلاوني وخرجو، أول مرة فهاد تلت أيام كانريح نفكر شي شوية، ديك ساعة كتعرف شنو هو المخزن ،كاع الافكار والمواقف لي كنتي كتجدر بها شي نهار كتحط قدامك .كتولي كتسول واش هادشي يستاهل ندخل عليه لحبس ! .جاب الطوندوز و بدا كيحسن ليا هنا كنحس براسي فحال ناتالي بورتمان فV for Vendetta بغيت نخنزر ،بغيت ندير فيها كاعي لكن دموع طاحو وطاح معاهم شعر . ماعقلتش على راسي حتى لقيت راسي " قرع" متكي فوق الفيدونسي فسيلون باجدة .
نعاس ما بغاش يجيني من بعد غادي نفهم بلي نعاس ما خصوش يجين والقمل كينقز قدام عيني دبا هنا مبقاش سميتو قمل ولا ديبو ، أجي بعد كيفاش بدا هادشي ! كيفاش لقيت راسي هنا !
كلشي غادي يبدا نهار الأحد 6 ابريل، الاجواء مخيرة مكينش بحالها الحال مشمش وكولشي فكازا من ضمنهم أنا كايتسنى داك النهار ماشي على قبل المسيرة لكن على قبل الديربي ،ماكنتش باغي نفيق بكري ،ماكنتش باغي أصلا نمشي لمسيرة ديال النقابات ، أصلا أنا شخصيا مابقيتش كنأمن بالخيار ديال النزول لشارع ،حيث بنادم ولا غي كيخرج يغوت باش يفرغ داك الغضب الداخلي ديالو ،لكن فالمقابل الأسرة ديالي كلها كتستعد باش تشارك فيما يعتبرونه " عرس نضالي " وبطبيعة الحال العرس ضروري ماتكون فيه الحلوة ،وهداشي علاش كان كنحل عيني على أروع طابلة فالعالم ، اش منك يا عصير ،واش منك يا كيكة ، واش منك يا بطبوط ،هنا غادي نكون أمام جوج ديال لختيارات يا نرجع نعس يا نفيق ناكل أول إختيار خاطئ هداك نهار هو أني قررت نوض لكن بالرجولة معدور حيت بحال ديك الطابلة ما كات كونش ديما، حاولت نرجع ننعس لكن اش غنقول لكم العمال كيعرفو يغوتو ، بقاو كيضربو لي الشعارات فودني عييت نتقلب ونتخبى لكن ولو ،يأست قررت النوض , انتصرت البروليتاريا على الخمول والنعاس ديالي ، من بعد كات ضرب لي فراسي علاش ما نمشيش لمسيرة على أقل نتلاقى شي رفاق شحال هادي ماشفنهم حيت بحال هاد العرس النضالي كيكون كولشي معروض ليه ،من غير أنه هداك النهار بالضبط كاين الديربي وخصني نمشي نجقر الوليد ديالي باش نمشي لتيران خصوصا أنه مغديش يقدر قول ليا "لا" قدام صحابو ,إذن جميع الطرق تؤدي إلى المسيرة وهداشي لقلت حتى أنا ،وهدا هو تاني خطئ نرتكبو هاد النهار .
خرجت أسيدي لمسيرة ، المسيرات تختلف كاينين المسيرات ديال عشرين فبراير لي كيغلب عليهم واحد المضهر ثوري كيكون غالب عليهم لحمر و لكحل والشيوعية و كاع الناس لي كاتلاقى بهم كيكون لابسين تيشورتات ديال تشي جيفارة وماركس . وكاينين لمسيرات ديال لخوانجية لكيكونو غالب عليهم الأبيض والاعلام ديال السعودية واللحاية الغريب فالمسيرات ديال النقابات أنها خليط غير متجانس ديال كاع هاد شي ،كيكونو كيقلبو على الكم دك شي علاش كيجيبو العمال من كاع لقنات ديال هاد الوطن السعيد ،داك شي علاش كات لقى الأغلبية ديال ناس لي مشاركين ما مسوقين لا للرفع ديال سن التقاعد ولا هم يحزنون جايين باش يضربو دورة ف كازة , والنقابات واعين بهاد المعطى داك شي علاش ديما كيديرو لمضاهرات دياولهم فوسط المدينة نفس الشعارات الكلاسيكية متبدلاتش مني كان الاموي فالحبس .
المشهد التاني لمسيرة مغاديش نقدر نعبر عليه حسن من دكشي لكتب عماد استيتو :"رجل بملامح عنيفة، يحمل بين يديه حزاما جلديا يصوبه في وجه كل من يحاول الاقتراب من الزعيم الخالد، كان الصحفيون الأكثر تضررا من "فتونة" بلطجي نوبير الأموي وهو يمنع كل من يحاول اكتشاف سقطة الزعيم النقابي مغميا عليه من التعب والتقدم في السن، كان يصرخ ملوحا بسلاحه فاسحا المجال للقائد الأبدي للنقابة للمرور والانسحاب السريع، يضرب بسياط حزامه الكل، هكذا بدا المشهد يوم الأحد في مدينة الدار البيضاء، إثر مسيرة عمالية ضد الحكومة المغربية دعت إليها ثلاثة من أكبر المركزيات النقابية في البلاد، بدت الصورة فاضحة: زعيم نقابي تحول إلى ما يشبه رجل عصابات تدافع عنه ميليشيات مسلحة من المرتزقة. "الأغلبية الناس غادي يشوفو أنه زاد فيه لكن بالنسبة ليا أنا لحضرت فهاد اللحضة مكينش شي وصف حسن من هدا ، تحولت المسيرات العمالية لمسيرة سلطوية ،الناس لي كانو مكلفين بالتنظيم ولاو كيفرغو كاع ديك العقد والسلطوية لكتمارس عليهم ، على المتضاهرين وهدا هو اللب ديال تغلغل الفكر المخزني فالمجتمع المغربي ولا كل فرد سواء نقابي ,أستاد ولا عساس ديال طونوبيلات فاش كات سنح ليه الفرصة كينتج مخزن مصغر ديالو ، وهو ما ينطبق حتى على المستوى النضالي .
من بعد غادي يدخلوني لواحد البيت ،دارو ليا المينوط مع واحد الكرسي وخلاوني وخرجو، أول مرة فهاد تلت أيام كانريح نفكر شي شوية، ديك ساعة كتعرف شنو هو المخزن ،كاع الافكار والمواقف لي كنتي كتجدر بها شي نهار كتحط قدامك .كتولي كتسول واش هادشي يستاهل ندخل عليه لحبس ! .جاب الطوندوز و بدا كيحسن ليا هنا كنحس براسي فحال ناتالي بورتمان فV for Vendetta بغيت نخنزر ،بغيت ندير فيها كاعي لكن دموع طاحو وطاح معاهم شعر . ماعقلتش على راسي حتى لقيت راسي " قرع" متكي فوق الفيدونسي فسيلون باجدة .
نعاس ما بغاش يجيني من بعد غادي نفهم بلي نعاس ما خصوش يجين والقمل كينقز قدام عيني دبا هنا مبقاش سميتو قمل ولا ديبو ، أجي بعد كيفاش بدا هادشي ! كيفاش لقيت راسي هنا !
كلشي غادي يبدا نهار الأحد 6 ابريل، الاجواء مخيرة مكينش بحالها الحال مشمش وكولشي فكازا من ضمنهم أنا كايتسنى داك النهار ماشي على قبل المسيرة لكن على قبل الديربي ،ماكنتش باغي نفيق بكري ،ماكنتش باغي أصلا نمشي لمسيرة ديال النقابات ، أصلا أنا شخصيا مابقيتش كنأمن بالخيار ديال النزول لشارع ،حيث بنادم ولا غي كيخرج يغوت باش يفرغ داك الغضب الداخلي ديالو ،لكن فالمقابل الأسرة ديالي كلها كتستعد باش تشارك فيما يعتبرونه " عرس نضالي " وبطبيعة الحال العرس ضروري ماتكون فيه الحلوة ،وهداشي علاش كان كنحل عيني على أروع طابلة فالعالم ، اش منك يا عصير ،واش منك يا كيكة ، واش منك يا بطبوط ،هنا غادي نكون أمام جوج ديال لختيارات يا نرجع نعس يا نفيق ناكل أول إختيار خاطئ هداك نهار هو أني قررت نوض لكن بالرجولة معدور حيت بحال ديك الطابلة ما كات كونش ديما، حاولت نرجع ننعس لكن اش غنقول لكم العمال كيعرفو يغوتو ، بقاو كيضربو لي الشعارات فودني عييت نتقلب ونتخبى لكن ولو ،يأست قررت النوض , انتصرت البروليتاريا على الخمول والنعاس ديالي ، من بعد كات ضرب لي فراسي علاش ما نمشيش لمسيرة على أقل نتلاقى شي رفاق شحال هادي ماشفنهم حيت بحال هاد العرس النضالي كيكون كولشي معروض ليه ،من غير أنه هداك النهار بالضبط كاين الديربي وخصني نمشي نجقر الوليد ديالي باش نمشي لتيران خصوصا أنه مغديش يقدر قول ليا "لا" قدام صحابو ,إذن جميع الطرق تؤدي إلى المسيرة وهداشي لقلت حتى أنا ،وهدا هو تاني خطئ نرتكبو هاد النهار .
خرجت أسيدي لمسيرة ، المسيرات تختلف كاينين المسيرات ديال عشرين فبراير لي كيغلب عليهم واحد المضهر ثوري كيكون غالب عليهم لحمر و لكحل والشيوعية و كاع الناس لي كاتلاقى بهم كيكون لابسين تيشورتات ديال تشي جيفارة وماركس . وكاينين لمسيرات ديال لخوانجية لكيكونو غالب عليهم الأبيض والاعلام ديال السعودية واللحاية الغريب فالمسيرات ديال النقابات أنها خليط غير متجانس ديال كاع هاد شي ،كيكونو كيقلبو على الكم دك شي علاش كيجيبو العمال من كاع لقنات ديال هاد الوطن السعيد ،داك شي علاش كات لقى الأغلبية ديال ناس لي مشاركين ما مسوقين لا للرفع ديال سن التقاعد ولا هم يحزنون جايين باش يضربو دورة ف كازة , والنقابات واعين بهاد المعطى داك شي علاش ديما كيديرو لمضاهرات دياولهم فوسط المدينة نفس الشعارات الكلاسيكية متبدلاتش مني كان الاموي فالحبس .
المشهد التاني لمسيرة مغاديش نقدر نعبر عليه حسن من دكشي لكتب عماد استيتو :"رجل بملامح عنيفة، يحمل بين يديه حزاما جلديا يصوبه في وجه كل من يحاول الاقتراب من الزعيم الخالد، كان الصحفيون الأكثر تضررا من "فتونة" بلطجي نوبير الأموي وهو يمنع كل من يحاول اكتشاف سقطة الزعيم النقابي مغميا عليه من التعب والتقدم في السن، كان يصرخ ملوحا بسلاحه فاسحا المجال للقائد الأبدي للنقابة للمرور والانسحاب السريع، يضرب بسياط حزامه الكل، هكذا بدا المشهد يوم الأحد في مدينة الدار البيضاء، إثر مسيرة عمالية ضد الحكومة المغربية دعت إليها ثلاثة من أكبر المركزيات النقابية في البلاد، بدت الصورة فاضحة: زعيم نقابي تحول إلى ما يشبه رجل عصابات تدافع عنه ميليشيات مسلحة من المرتزقة. "الأغلبية الناس غادي يشوفو أنه زاد فيه لكن بالنسبة ليا أنا لحضرت فهاد اللحضة مكينش شي وصف حسن من هدا ، تحولت المسيرات العمالية لمسيرة سلطوية ،الناس لي كانو مكلفين بالتنظيم ولاو كيفرغو كاع ديك العقد والسلطوية لكتمارس عليهم ، على المتضاهرين وهدا هو اللب ديال تغلغل الفكر المخزني فالمجتمع المغربي ولا كل فرد سواء نقابي ,أستاد ولا عساس ديال طونوبيلات فاش كات سنح ليه الفرصة كينتج مخزن مصغر ديالو ، وهو ما ينطبق حتى على المستوى النضالي .
سيلون 4 "سيلون باجدة" ، طاح الشعر و بقات الكرامة - أيوب بوضاض
ليست هناك تعليقات:
إرسال تعليق